LSN kry bevel vir ingryping by firma

Die Regsvereniging van Namibië (LSN) het verlede week ’n dringende aansoek teen ’n Windhoekse regspraktisyn gebring. Hulle is ’n tydelike interdik toegestaan om beheer van Leandri Lambert se regsfirma se trustrekeninge oor te neem.Lambert is ook ingevolge ’n hofbevel tydelik verbied om op enige manier met haar firma se twee trustrekeninge te werk hangend die uitkoms van klagte teen haar by die dissiplinêre komitee vir regspraktisyns.Die beheer en administrasie van die rekenininge is tydelik aan die direkteur van die LSN, Neliswa Tjahikika, oorgegee.Die bevel tree onmiddelik in werking en sal duur vir ’n tydperk van 60 dae om vir die LSN geleentheid te gee om die sake van Lambert te ondersoek.Regter Eileen Rakow het Donderdag die hofbevel Donderdag in die hoërhof in Windhoek uitgereik.AGTERGRONDVolgens Tjahikika se verklaring wat as deel van die dringende aansoek by die hof ingedien is, spruit die aansoek uit ’n inspeksie by Lambert se firma in Julie 2024.Die nakomingsbestuurder van die LSN, Abed Shipoke, die inspeksie uitgevoer en gesien dat Lambert ’n aansienlike tekort (deficit) in haar trustrekeninge het. Die LSN het haar gevolglik versoek om volledige rekeningboeke in te dien wat aangedui het op ’n tekort van sowat N$4,3 miljoen in die twee trustrekeninge.Op 24 Julie 2024, het die LSN ’n vergadering met Lambert gehou.“Die vergadering was om te verstaan wat die aansienlike tekort op die trustrekeninge veroorsaak het en om te besluit oor die pad vorentoe om die tekort reg te stel,” lui Tjahikika se verklaring.Lambert het kort daarna in ’n beëdigde verklaring die tekort bevestig, maar slegs ten bedrae van sowat N$3,9 miljoen. Sy het ook aangedui dat sy die redes vir die tekort op 2 Augustus 2024 sal kan verduidelik.“Die LSN het ’n besluit geneem tot die effek dat die eerste respondent [Lambert] bedrywighede by haar praktyk moet staak ten einde die aansienlike tekort reg te stel.”Op 8 Augustus het Lembert bankrekeningstate vir een van die rekeninge soos op 8 Augustus 2024 verskaf“In hierdie state was ’n transaksie deur die eerste respondent [Lambert] wat 'n deposito van N$2 300 000 gemaak het om die tekort te vereffen. “Verdere bankstate van die bank is egter in Januarie 2025 ontvang. Dit dui daarop dat op 12 Augustus dieselfde bedrag weer onttrek is.”‘PERSOONLIKE UITGAWES’Ook in Augustus, het Lambert glo gereël dat ’n oudit op die rekeningboeke van die firma uitgevoer word en die ouditeure CR van Wyk & Co is aangewys om dit te behartig. Die oudit sou die tydperk van die stigting van die firma, 23 Februarie 2022, tot 31 Augustus 2024 insluit. Dié ouditverslaf is op 22 November ingedien en kommerwekkende bevindings is daarin gemaak.“Die bevindinge op die verslag hou verband met die gebruik van trustgeld vir persoonlike uitgawes in die jaar 2022. Die verslag het voorts betalings in die jaar 2023 en 2024 aangeteken van uitgawes wat nie met trustkrediteure verband hou nie. Net so is betalings in 2024 gemaak wat nie aan trustkrediteure toegewys kon word nie,” lui Tjahikika se verklaring.Die LSN het daarna weer ’n verklaring van Lambert versoek om die bevindings te verduidelik.“Die verduideliking in daardie beëdigde verklaring was op geen manier voldoende nie.”Die LSN het aan die begin van die jaar nie vir Lambert ’n getrouheidsfondssertifikaat uitgereik nie, waarsonder sy nie geregtig is om te praktiseer nie.“Op 6 Februarie 2025 het dit onder my aandag gekom dat [Lambert] kliënte versoek het om die bedrag van nagenoeg N$50 000 in die trustrekening in te betaal. Ek voer aan dat dit aangedui het dat sy steeds fondse van die publiek ontvang en die voorneme het om transaksies op haar trustrekening te doen ten spyte daarvan dat sy nie in besit van ’n getrouheidsfondssertifikaat is nie,” het Tjahikika in haar verklaring verduidelik.DRINGENDTjahikika het in haar verklaring aangevoer dat die saak dringend is omdat die LSN die belange van die publiek wil beskerm.“My ingryping as kurator bonis sal ook tot voordeel van die eerste respondent [Lambert] wees. Sy staan fooie te verloor as gevolg van die vertraging of moontlike kansellasie van transaksies.“Verder kan die skade wat aan kliënte aangerig is deur die vertraging en selfs moontlike kansellasie in transaksies, lei tot eise vir skadevergoeding teen die eerste respondent, asook teen die derde respondent, die getrouheidsfonds vir regspraktisyns,” het Tjahikika gesê.Die aansoek is op ’n dringende basis aangehoor en is Donderdag uitgestel tot 11 April.– kristien@nmh-hub.com.na

LSN kry bevel vir ingryping by firma

Kommentar

Allgemeine Zeitung 2025-05-16

Bitte melden Sie sich an, um einen Kommentar zu hinterlassen

LSN kry bevel vir ingryping by firma

Kommentar

Allgemeine Zeitung 2025-05-16

Bitte melden Sie sich an, um einen Kommentar zu hinterlassen

ANMELDUNG